Amigus Labs

 

 

Xa está aquí unha nova edición da Amigus Labs. Nesta ocasión, a Biblioteca do Conservatorio Profesional de Música de As Pontes acollerá, desde o 13 ao 21 de abril o Fab Lab pontés.

Nas xornadas do Amigus Labs • Workshops traballarase en proxectos como o barco autónomo solar e o vehículo solar para a regata que se celebrará en Baiona en xuño, na fabricación dun escaner 3d, así como optimización das impresoras 3d e novos proxectos.

Asemade potenciarase o uso de software e hardware libre, desde placas Arduino e Raspberry Pi, ata software de programación, deseño, modelado e animación 3d.

A idade mínima para participar nos workshops é de 8 anos e a inscrición é de balde.

Máis informacion: http://www.amiguslabs.org/